Thursday, 21 March 2013

ZOLI LETAN POU ZANFAN - Volim 1

 
Lansman Zoli Letan pou Zanfan
enn-de not par Alain Muneean
  1. Ki ete sa travay la ?
Enn tantativ pou rann bann aprantisaz pli interesan pou zanfan e profeser/ankadran
Li enn koleksion lexpresion zanfan letan zot pe koz lor enn seri size ki montre deza dan lekol
Li finn pran form enn liv ek enn dimansion workbook e enn cd odio
Li baze lor lang maternel kreol morisien avek enn louvertir lor aprantisaz angle
Finn fer sa bann koleksion la lor 2an edmi dan bann sesion akonpagnman skoler pandan 1erd tan toule samdi dan abaim. Anviron 60 zanfan inn partisip ladan.
Li finn benefisie 22 an lexperyans mizikal group abaim
  1. Kifer bizin fer sa kalite travay la ?
Li inportan rekonet ki konesans sorti depi lakaz e depi zanfan ousi
Li inportan met zanfan an konfians
Li inportan donn zanfan gou par fer li plezir, zanfan enn boul ritm, mouvman, lamizik
Li inportan respekte drwa fondamantal zanfan par rapor a so lexpresion, so lidantite e so kiltir
Li inportan permet profeser/ankadran devlop limem anmemtan (self-realisation) (profeser-kreater-rekreater)
Nou bann referans pedagozik sorti depi bann pedagog kouma Paulo Freire, Celestin Freinet e Jean Piaget ki met anvan bann konsep kouma lexpresion-konsiantizasion, tatonnman experimantal, otonomizasion devlopmantal (akter dan so devlopman) pou bann laprantisaz efikas.
  1. Kifer bizin fer sa kalite travay la dan sa manier la ?
Ena bann gro mankman dan nou sistem –
Nivo literesi anterm kalite feb
Lintere zanfan pa ase gran
Lezot metod fer apel a aprann parker plis li devlop rezonnman
Sistem aktiel pa rekonet zanfan kouma enn akter dan so devlopman
Pa pran ankont seki zanfan amene depi lakaz e paran
  1. Kimanier bizin fer sa sa kalite travay la ?
Teknikman,
Swazir bann size baze lor laktialite
donn laparol zafan pou exprim zot - servi metod dir-lir-panse- konpran-ekrir-
lor kestion langaz, konpran bien seki langaz ete
gagn inpe konesans dan poezi, mouvman, ritm e lamizik
donn latansion a sak parol ki zanfan dir (dan so manier dir li e dan linterpretasion seki li pe rod dir)
dokimant bien tou seki pase dan bann sesion
 
       5. Ki bann kondision bizin pou fer sa kalite travay la ?
 
Bizin ena enn letadespri kiltirel ki rekonet e respekte valer zanfan dan bann laprantisaz. Bizin ena enn librerasion lespri par rapor a rises depi nou bann tradision e nou patrimwann kiltirel
Formasion profeser/ankadran primordial. Kapav met bann latelie travay avek bann profeser e bann ki devlop program. Pou li efikas, li bizin dan kad enn stratezi action-research.
Leta bizin devlop pli bien so stratezi par rapor a politik lang. Bizin viz a enn miltilingwism efikas baze lor lang maternel.
Ankouraz bann inisiativ kouma seki nou pe prezante zordi onivo so prodiksion e so diseminasion.

 
 

Monday, 11 March 2013

Nouvo liv-album Abaim

 'Zoli letan pou zanfan' 
10 an apre Ti Marmit             

 

Apre boukou debat avek MASA, nou finn resi gagn lotorizasion neseser pou sorti sa liv-albem pedagozik la. Pou fer so lansman ofisiel Merkredi le 20 Mars 2013, 4.30, sant Abaim, Beau-Bassin.

Sa travay la ena enn gran valer pou Abaim. Li reprezant partisipasion bann zanfan dan kreasion enn materyel pedagozik ki pou ed montre lezot zanfan enn kantite zafer zot sipoze kone dan program lekol. Li enn travay ki servi poezi ek lamizik kouma bann metod aktiv pou gagn lintere zanfan e fer zot aprann pli bien e rapel bann konesans pli efikasman.

Sa travay la ena enn gran linportans pou Abaim. Nou krwar ki bizin rann li aksesib a enn pli gran kantite zanfan ki dan lekol maternel e primer, sirtou bann ziska klas trwaziem. Nou target poulemoman konsern bann zanfan ki pe pran kreol kouma lang dan segonn.

Dan lansman, nou pou explik an detay kouma sa travay la finn fer e kimanier sa lexperyans la kapav servi pou interes lezot dimounn, sirtou bann profeser, kree zot prop materyel pou rann zot klas pli interesan.

Liv-albem la pou vande Rs250. Kapav deza fer rezervasion lor bann ladres e nimero telefonn ki ena lor nou sit-web. http://www.abaim.mu/ (link nou web sayt)


Thursday, 24 January 2013

alA li La grAnD GaUbE ^...^


Sa zour la.. Bizin dir ki nou'nn fer enn mari tchak... Grand Gaube enn vilaz lakot... Kot ena plin zoli peizaz partou partou.... epppppp nou anbarke tou dimoun depi bo-bassin ziska Grand Gaube enn lakoloni zanfan 1van ek 1 mini bis... San oubliye nou kamion sono...

ANOU ALeeeeee........... Sa zour la ti impe komik ala fwa impe stressan
  Clifford ek so lekip Sono dessann dan Grand Gaube gayar gayar ek plin lenerzi zot debark nou materyel.... Eppp 1 ti mama apre la troup zanfan debark oussi.... 


ABE ZOT KROIR KI FI'NN ARIVE LA!! Nou'nn tromp baz konser hahahahahaha..... Pov ti lekip anbarkasion re ramass tou... NOU Rode Rode Rode finalman Nou'nn ressli arive * .... *


  Get enn kou kouma dimounn inn kontan....Lazwa dan leker.... Nou''nn donn LE  ZAFER ^....^

Tiek marou bel la vayb li'nn mete sa zour la.. Antouka ki so piti ek so gran nou'nn donn tou pou ki sa tourne la li enn sikse



♪ RESS KONEKTE PROSEN RANDE VOU LE MORNE  ♪


Thursday, 17 January 2013

NOU AVANS DAN 2013 ME PA BLIYE SOUVENIR 2012







Sezon nwel fini pase... Banane oussi fini twit... Ala li la.... 2013...!! Ankor enn fwa 1nouvo lane. enn nouvo sans,enn nouvo lespwar, enn nouvo lekleraz... Pou tou seki ti pe rod 1 ti alime tegn dan zot leker...!!! Abaim pandan sa sezon nwel la, finn anbelir leker bann piblik morisien.... Lazwa dan leker nou finn met impe kouler parou partou dan moris..!! 1er konser ti dan
 Trou d'eau D'ouce Zoli background



Lambians la p monte, zanfan gran dimounn,ti baba zot tou p rant dan la vayb, Dan sa lerla si ou ti p pass par la ou mem ou ti pou dir mwa..!




Ress Konekte ar nou Mo rakont ou prosen lavantir..... ^ ... ^


RES KONEKTE PROSENN KOUT DIREKTION LAPLAZ PIBLIK GRAN GAUBE

Wednesday, 19 December 2012

Caravanne de Nöel - 1ére étape

18/12/12   @ 18h40  Trou aux Biches.       

Belle apres-midi que celle passée hier en compagnie des habitants de Trou aux Biches.
Encore merci pour cet accueil chaleureux .
Nous esperons retrouvez Joel et Marie Noelle cet apres midi à Grand Gaube, car ils ont souhaité faire tous les etapes de cette caravanne! Bravo et merci pour votre enthousiasme!
Et pour les touristes, nous promettons de penser sérieusement à adapter "Ti Marmit " pour en faire, comme vous l'avez demandé - " hands in the air, hands on the hips !"

Sunday, 16 December 2012

Karavann - Nwel dan Lavil, Nwel dan Vilaz


Nou ena plezir anons ki Minister Lar ek Lakiltir finn angaz ABAIM pou  partisip dan enn karavann :- 


18 /12 : Trou d'Eau Douce - 17er   Laplaz piblik
19/12 : Grand Gaube -         17er   Laplaz piblik
20/12 :  Bambous -              16er    Laplenn Foutbourl
21/12;  Cite Père Laval -      17er    Laplenn Foutborl
22/12 : Le Morne                13er    Laplaz
                                           19er    Shoprite
Le 23 : Tamarin -                 13er    Laplenn Football   
            Grand-Baie   -         19er   La croisette
Le 24 : Port Louis               11er30 State Bank of Mauritius  - Head Office
            Rose-Belle -           19er    Winners
Ala seki nou ti ekrir an 2010 kan albem Enn Nwel  Larkansiel ti sorti.
"...Avek nou dernie albem, 'Enn nwel larkansyel', nou finn ariv lor nou 8em prodiksion. 
Finn ena ousi enn de single ki nou finn tire.



1992: Enn lot sezon -   1994: Enn zour dan enn pei - 1997: Lerla

2000: Enn siek de siek - 2002: 16 ti morso nou lanfans - 2003: Tizan ar so 8 frer

2008: Rekreasion 31 ti parfin nou memwar - 2010: Enn nwel larkansiel



Depi dan so koumansman, abaim finn touzour inspire par bann eleman ki sorti depi listwar kiltirel nou pei, seki nou apel nou patrimwann. Li kiksoz bien profon parski li lasours nou lavi kouma enn pep, li berso nou lexistans akoz depi laba mem ki transmision finn fer.


Abaim finn akerir enn gran rekonesans dan antie nou pei. Sa finn vinn ankor pli gran avek partisipasion bann zanfan ki depi 1995 finn pran enn plas inportan dan nou lavi atraver nou proze Saturday Care. Ladan mem ki nou finn redekouver potansiel imans kiltir pou devlopman dimounn, zanfan an partikilie. Sa travay la baze lor kreativite, lexpresion e zwe. Li dimann inpe obzervasion, resers e analiz pou konpreansion, laranzman pou aksantie bann ritm e servi bann sonorite instrimantal pou amenn ankor plis larmoni.

Sak fwa nou finn fer enn albem, sa bann eleman la finn bien resorti.



Lide pou tir enn albem nwel finn vinn depi demann nou sponsor (SBM) pou fer enn animasion lor sa tem la lane pase. Nou finn konstate ki malerezman, nou pa finn erit enn tradision mizikal nwel bien orizinal e adapte a nou kontex. Li ti inpe difisil pou fer bann interpretasion sante nwel ki koz lanez, manto blan, bolom nwel pou gayn fre kan li sorti deor... Alor nou finn lans noumem enn defi e nou finn koumans enn travay.



Nou bann latelie mizikal finn permet nou trouv bann eleman ki ti pou kapav ede gagn bann bon rezilta. 

Dabor, onivo kreasion mem : Pou gard liniver mazik nwel ek bolom nwel, nou finn swazir pou servi larkansiel kouma landrwa kot bolom nwel sorti. Sa pou lizour. 

Deziemman, nou finn evok ti lalimier dan aswar pou rann lanbians la pli reel konpare ar laklos dan bann pei lenor. 

Trwaziemman, nou finn pran kont realite popiler bann zanfan, savedir seki zanfan mazine e dezire pandan lontan par rapor a so realite sosio-ekonomik. Sa ti enn moman for pou nou.

Katriyemman, nou finn revizit bann 'standar iniversel' sante nwel e nou finn fer bann swa ki donn nou posibilite pou fer bann bon tradiksion e adaptasion. Nou finn swazir sante kot ena eleman kouma fer bon e fer move, lexklizion lor baz diferans e kimanyer bolom nwel amenn linklizion, lape ek linosans. Tousala fer dan enn manier kot ena lazwa ek lagete, parfwa bien komin mem.

Senkiemman, nou finn travay boukou lor bann ritm. Sa ti santral dan nou demars. Nu finn mintenir prinsip diversite pou gard nwel enn levennman iniversel.

Siziemman, bann sonorite morisien bien prezan avek kouma nou abitie, itilizasion ann linstriman tradisionel de baz kouma ravann, maravann triyang, lakordeon, mandolinn, lagitar akoukstik, laflit.."
 Pou ki enn maksimem dimounn kapav profit zoli lamizik,  pou ena  promosion lor tou albem ABAIM dan sa bann baz la. 
Nou espere trouv zot lor larout sa karavann la.
Salam,